Llaqtakunapiqa,
wawa ulyuchiyqa watan watan ruraymi,
“mamanpa wiksanmanta yapamantapas paqarimuchkanman” hinam. Chay punchawmantas
wawakunaqa cristiano kaspanku, hanaq pachaman qispinankupaq allinña kanku,
chaymi llapa runapas tayta curapas ninku:
-
“Qispichisqañam kanki”, nispa.
Chaymi
ayllukunaqa Tayta Diosmanta allin kawsay chaskinankupaq llapan wawankupa
ulyuynintaqa rurankupuni.
Kay
wawa ulyuchiypim tukuy yachaykunata tarisunchik, imaynatas San Miguel de
Chaccrampa ayllunkunapi rurachkanku chayta. Huk lawmanta hamuq yachaykunatapas
qipancharispankum hinalla tukuy yachaykunata, kay wawa ulyuyta hina, kuyakuywan
ruranku.
kay
yachaykuna, ruraykuna qawariyninchiqqa yanapawasun yachayninchik mastariytam:
llaqtanchikpi, hinallataq huk llaqtakunapipas imayna yachayninkuna kasqanta
yachanapaqmi, kay qillqaqa yanapawasun.
Kay
qillqapa yanapakuyninwanmi yachay wasipi tukuy yachaykunata tarisunchik,
imaynampi wawa ulyuchiymanta, mikunakunamanta, maki utichiymantapas
kasqanmantawan riqsisun.
Kay
qillqayá kayna yachaykuna huñunapaq, kay Educación Intercultural Bilingüe,
warmakunawan amawtapa llamkaynin kay llaqtakunapi allin kananpaq, qawarisqa
kachun.
Wawa
uluypi ruraykuna, yachaykunaqa kaykunam:
Wawa
yakunchay
Wawa
ulyuypa ñawpaqnin ruraykuna:
- Taytamamapa, padrinokunapa
allichakuyninku.
- Mikunakuna, upyanakuna allichay
Wawa
ulyuy punchaw:
- Wawa ulyuchiy
- Maki utichiy
- Chukcha rutuy
