Kay
taripasqa llamkaypa sutinmi ”USLU APAMUY”, chaytam ruranku ñawpaqmanta pacha;
may llaqtapipas ancha usyaypiña tarikuptin.
Uslu
apamuyqa; huk puna urqupi hatun mama qucha ukumanta yakupa illan, parapa illan,
urquymi; chay uslutam, sumaq puyñuchapi apana suni, qichwa llaqtakunamanpas
para parananpaq. Qichwa ukuman chayarachispam pukyupa ñawinpi yachaq pampanan.
Chisinpaykuyllamanmi usyasqanmanta chay llaqtatapiqa sinchi para chayan. Kay
usluqa kikin paras, yachasqa hina quchamanta saymaspa hinallataq pagapaspa,
chay yakupa illanta urqusqaqa paraqa chayanpunis.
Kay
qillqatam qam ñawinchaqman, hinallataq awilunchikunapa tukuy ima yachayninkunata
yachay munaq warmi qari runakunaman, kay yachaykunata riqsispa
mastarinanchikpaq chayachimuykiku. Chaynallataq kay pachapi runamasinchikkuna
ñawpaq yachaykunata, kay ruraykunata qatinankupaq, kallpanchanankupaq, hinaspa
llaqtanta tukuy sunqunkuwan kuyanankupaq.
Kay
llamkayqa iskaypinm rakisqa tarikun:
· Uslumanta yachaykuna.
· Uslu apamuymanta taripasqa llamkay.
Kuyakusqay
runamasiy kay llamkayqa, huk mayu aquchapas hinallam yachayninchikkuna
huntapanapaq; chaynallataq warmanchikkuna yachayninta allinta
purichinankupaqpas.
0 comentarios:
Publicar un comentario