Warmi
qari kuska ayllu hina tiyanankupaqa, manam ñawpaqmanta pachapas, llutanllatachu
huñuykanakurqaku, ichaqa ayllukunapim qari maqtilluqa, warmi sipasta
paypaq hina qawarispaqa, tayta mamanta
mañakun warmi tapuykapunanpaq; huk kantaqmi tayta mamakuna, wawankuta kasaranan
watanpi qawarispaqa, paykunam kikinkumanta akllaykapunku wawankupa
parisnintaqa, hinaspa paykunalla
rimarqunku wawanku kasarachinanpaqa.
Warmi
tapukuyqa ancha ñakariy, ancha sasachakuymi kasqa, huk kaq ayllukunapiqa
taytamamam mana munanchu, chayna kaptinqa tapukuqkunatam, kaspiwanpas, hayta
takawanpas wasinmanta wikapamun; utaqmi sipas mana munaspa ayqitakamun karu
llaqtakunaman, chayqa, tapukuqkunaqa mana imantin, mana rurayninta qispichispan
kutipun. Hichaqa kantaqmi taytamamakuna, hinallataq sipaspas, allin aylluta
qawarispa: arí kasarachunyá, arí kasarasaqmi nispa kuskamanta rimaykanakuspanku
wawankuta kasarachinku.
Chaynam
ñawpaq wiñaykuna, hinallataq kunan wiñaypipas, warmi qari imaynam ayllupi
tiyanankupaq, rurasqankuta kay qillqapi qawarisun.
0 comentarios:
Publicar un comentario